Qeveria investon 68 milionë lekë për parkun e Burrelit

1 Nëntor 2014 – Ministria e Zhvillimit Urban dhe Turizmit njofton një tjetër projekt për rivitalizimin e qyteteve urbane, e cila këtë herë ka të bëjë me qytetin e Burrelit. Sipas kesaj ministrie, qyteti i Burrelit se shpejti do të ketë një qendër të re çlodhjeje e argëtimi, për të gjitha grupmoshat. “Përmes Fondit të Zhvillimit të Rajoneve, në Burrel po implementohet projekti me vlerë 68 milionë lekë, i cili përfundon në muajin Mars të vitit 2015” Ben te ditur Ministria e Turizmit.

Ky projekt parashikon rehabilitimin e dy godinave ekzistuese, që do të përshtaten sipas funksioneve të reja; ndërtimin dhe sistemimin e ujrave të bardha dhe të zeza; ndërtimin e fushave sportive; sistemimin e sheshit brenda parkut  dhe  ndërtimin e murit rrethues të tij.

Aktualisht, në objekt po punohet me ndërtimin e fushave të lojrave, ambienteve çlodhëse për moshat e ndryshme, ndërtimin e bazamenteve për shinat e trenit, lulishteve etj.  Rindërtimi i këtij parku  në  qendrën e qytetit do ti shërbejë një komuniteti prej 10. 000 banorësh.

Gjirofarm SH.A